კონფიდენციალურობის პოლიტიკა

ბოლო განახლება: 9 ოქტომბერი, 2026

ეს პოლიტიკა განმარტავს, რა პერსონალურ მონაცემებს აგროვებს Uno Group ამ საიტით სარგებლობისას, რა მიზნით, ვის უზიარებს და რა უფლებები გაქვთ. მონაცემებს ვამუშავებთ საქართველოს კანონის „პერსონალურ მონაცემთა დაცვის შესახებ" შესაბამისად.

1. ვინ არის პასუხისმგებელი თქვენს მონაცემებზე

მონაცემთა დამმუშავებელია Uno Group, მისამართი: თბილისი, იური გაგარინის 24. კონტაქტი: company@unogroup.ge, +995 591 36 84 84.

2. რა მონაცემებს ვაგროვებთ

• ანგარიში: სახელი, გვარი, ელ-ფოსტა, ტელეფონის ნომერი და პაროლი, რომელსაც მხოლოდ დაშიფრული სახით ვინახავთ. თუ Google-ით ან Facebook-ით შედიხართ, ამ სერვისიდან ვიღებთ თქვენს სახელს, ელ-ფოსტას და პროფილის სურათს.
• შეკვეთა: მიმღების სახელი, ტელეფონი, ქალაქი და მიწოდების მისამართი, შენიშვნა შეკვეთაზე, შეკვეთილი პროდუქტები და შეკვეთების ისტორია.
• გადახდა: ბარათის მონაცემებს ბანკის დაცულ გადახდის გვერდზე შეიყვანთ და არა ჩვენს საიტზე. ჩვენ მათ ვერ ვხედავთ და არ ვინახავთ. ბანკისგან ვიღებთ მხოლოდ გადახდის შედეგს, ბარათის დაფარულ ნომერს (მაგალითად 4444 55** **** 1111), ბარათის ტიპს და ტრანზაქციის ნომერს.
• შეტყობინებები: რასაც საკონტაქტო ფორმით გვწერთ.
• ტექნიკური მონაცემები: IP მისამართი და მოთხოვნის დრო, რომელსაც უსაფრთხოების ჟურნალში ვინახავთ, რომ ანგარიშები პაროლის გამოცნობისგან და საიტი ბოროტად გამოყენებისგან დავიცვათ.

3. რისთვის ვიყენებთ

• ანგარიშის შესაქმნელად და სამართავად;
• შეკვეთის დასამუშავებლად, მისაწოდებლად, მომსახურებისა და თანხის დასაბრუნებლად;
• სერვისული წერილებისთვის: ელ-ფოსტის დადასტურება, შეკვეთის დადასტურება, პაროლის აღდგენა;
• თქვენს შეტყობინებებზე საპასუხოდ;
• საიტისა და ანგარიშის უსაფრთხოებისთვის და კანონით დადგენილი საბუღალტრო ვალდებულებების შესასრულებლად.

თქვენს პერსონალურ მონაცემებს არ ვყიდით და მესამე მხარის რეკლამისთვის არ ვიყენებთ. საიტზე ანალიტიკისა და სარეკლამო თვალთვალის ხელსაწყოები არ არის.

4. ვის ვუზიარებთ

• ბანკები: საქართველოს ბანკი და თიბისი ბანკი (Flitt-ის საგადახდო პლატფორმით) ბარათით გადახდას ამუშავებენ.
• საკურიერო სამსახური: შეკვეთის მისაწოდებლად იღებს მიმღების სახელს, ტელეფონს და მისამართს.
• Google და Facebook: მხოლოდ მაშინ, თუ მათით შესვლას აირჩევთ.
• ჰოსტინგის პროვაიდერი: საიტსა და მის მონაცემთა ბაზას ინახავს.
• სახელმწიფო ორგანოები: მხოლოდ კანონით გათვალისწინებულ შემთხვევაში.

5. ქუქი-ფაილები

ვიყენებთ მხოლოდ იმ ქუქი-ფაილებს, რაც საიტის მუშაობისთვის აუცილებელია: სესიის ქუქი, რომელიც ანგარიშში შესულს გტოვებთ, კალათას იმახსოვრებს და ფორმებს გაყალბებისგან იცავს. საიტის შრიფტები Google Fonts-იდან იტვირთება, საკონტაქტო გვერდის რუკა კი Google Maps-იდან, ამიტომ ამ სერვისებმა შესაძლოა თქვენი IP მისამართი მიიღონ.

6. რამდენ ხანს ვინახავთ

ანგარიშის მონაცემებს ვინახავთ, სანამ ანგარიში არსებობს. შეკვეთებისა და გადახდების ჩანაწერებს ვინახავთ საქართველოს საგადასახადო და საბუღალტრო კანონმდებლობით დადგენილი ვადით. შესვლის მცდელობების ჩანაწერები ერთ დღეში ავტომატურად იშლება, სერვერის ჟურნალი კი უსაფრთხოებისა და ხარვეზების გამოსწორებისთვის შეზღუდული ვადით ინახება.

7. თქვენი უფლებები

შეგიძლიათ მოითხოვოთ ინფორმაცია იმის შესახებ, რა მონაცემები გვაქვს თქვენზე, მათი გასწორება, წაშლა ან დამუშავების შეზღუდვა, ასევე ნებისმიერ დროს გამოიხმოთ თანხმობა. შეკვეთის ჩანაწერებს, რომელთა შენახვასაც კანონი გვავალდებულებს, ამ ვადის გასვლამდე ვერ წავშლით. მოთხოვნა გამოგვიგზავნეთ მისამართზე company@unogroup.ge. თუ ფიქრობთ, რომ თქვენი უფლებები დაირღვა, შეგიძლიათ მიმართოთ პერსონალურ მონაცემთა დაცვის სამსახურსაც.

8. პოლიტიკის ცვლილება

ეს პოლიტიკა შეიძლება განახლდეს. მოქმედი ვერსია ყოველთვის ამ გვერდზეა გამოქვეყნებული, ბოლო განახლების თარიღით ზემოთ.